Bago pa man sinakop ni Magellan ang Archipelago ng Pilipinas ay may isang kwentong unti-unti nang nakakalimutan. Kung hindi ko pinag aksayahan ng panahong alalahanin ay tiyak nakalimutan ko na rin.
Ito ay tungkol sa isang haring walang ibang ginawa kundi i update ang kanyang facebook status mula umaga hanggang gabi. Nakatira sila sa isang marangyang kaharian kasama ang reynang walang ibang inatupag kundi suklyain ng suklayin ang nalalagas niyang buhok dahil sa Korean conditioner na nabili nya sa karatig bayan kung saan ang kalakalan ng shampoo at conditioner ang tanging ikinabubuhay ng mga tao.
Isang araw, biglang nahilo ang reyna habang sinusuklay niya ang kanyang buhok gamit ang first class immitation of the then known hair doctor. Nagkagulo ang lahat ng nasa kaharian kasama ang mga kabayo, kawal mutsatsa pati narin ang mga hindi kasali sa kwentong ito. Napag alaman ayon sa natatanging doktor sa bayan (na sa pag aaral ng medisa dalawang ipin nalang sa harap ang natira) na ang inang reyna ay nagdadalang tao pala. Agad agad nagpatawag ng piging ang hari at inimbitahan ang lahat ng salamangkero at salamangkera sa buong kaharian upang mag alay ng panalangin sa magigng anak ng hari at reyna.
Lingid sa kaalaman ng lahat, isang salamagkera pala ang hindi inimbitahan Siya si Shourdesha Shusbintoysh. Diyosa at salamangkera ng kapansanan sa paningin sa sarili. Ang hindi rin alam ng lahat na itong salamangkerang si Shourdesa at ang reyna ay may malaking hidwaang naganap mga humigit labin limang taon na ang nakalipas. Nangyari ito nga talunin ni Shourdesa ang reyna sa SCQ Kiddie Questor na nuon ay hindi pa napanood sa channel 2. At ang hindi rin alam ng lahat, sa paligsahang iyon ni isa sa kanila ng reyna ay hindi nanalo. Subalit, hindi natin pag uukulan ng panahon ang dalawang ito kasi hindi naman sila ang bida sa alamat na ito.
At gayun may naganap ang piging. Dumating ang lahat ng inimbitahan at masayang nagdiwang ang kaharian sa pagdadalang tao ng inang reyna. Habang ang mga kawal at ang mga mutsatsa ay masayang nagkukuray ng jundo biglang may dumating sa isang hindi inaasahang pagkakataon. BOOOMM!!! Tunog ng malakas na pagsabog. May kulay berdeng usok na lumalabas sa pintuan kung saan nanggagaling ang pagyanig. Nagsilabasan ang mga babaeng walang ibang saplot kundi ang kanilang salungsuso at maiksing sya na tinatakpan ang kanilang private parts. Kumikinang kinang pa ang mga ito. Natigilan ang mga kawal subalit ang pinakamatinding pasabog sa lahat ay ang paglabas ni Shourdesha na naka ala Tina Turner outfit sabay sa pagtugtog ng awiting "what's love got to do with it?" na nagmumula sa kanyang 32G Iphone 4 with speakers.
itutuloy... Take note hindi pa lumalabas ang bida...
No comments:
Post a Comment